الحبايب عالمحبّه عوّدونا
ورجعوا من تاني يا قلبي سهّرونا
كل ما قرّبنا منهم يبعدونا
كل ما بعّدنا عنهم يلحقونا
بين جفاهم … أو رضاهم
حيّرونا وسهّرونا الحبايب

الليالي تمر علينا تمر علينا
والسهر جرّح عينينا
عالحبايب للهوى رحنا اشتكينا
هنّه معنا يا ترى ولاّ علينا
باعوا فينا واشترونا وما حكينا
آه يا ريتهم بالمحبّه ينصفونا
كلمه حلوه آه يا عيني يفرّحونا
كلمه مرّه آه يا قلبي يزعّلونا
بين جفاهم … أو رضاهم
سهّرونا وحيّرونا الحبايب

غوالي غوالي علينا غوالي
أغلى منهم ما في عنّا ما في يا ليالي
هنّه فرحة عمرنا ليلو وشموعو
هنّه رعشة قلبنا شوقو وولوعو
طال عذابنا بالغرام
نسينا طعم الإبتسام
آه يا خوفي يقسي قلب اللي قاسونا
ييجي يوم ويرجعولنا ما يلاقونا
بين جفاهم … أو رضاهم
سهّرونا وحيّرونا الحبايب