سعد الصغير رداً على اتهامات الراقصة شمس: معقول هصور مراتى وهى نايمة من غير هدوم وأبعت الصور لحد.. فين النخوة؟

قام المطرب سعد الصغير، بالرد على اتهامات الراقصة الجميلة شمس بخطفها والتعدى عليها بالضرب أثناء فترة حملها، وكشف عن حقيقة تصويرها أثناء نومها، وهى مجردة من ملابسها.

وأكد الفنان، في تصريحات خاصة لأحد المواقع الإخبارية “أنا أولاً كده معنديش أرض خالص فى العين السخنة علشان أخطف حد، والأزمة اللى بينى وبين شمس رجعت تانى دلوقتى، وده علشان طلبها الدائم للفلوس وغيرتها من زوجتى برلنتى، وهى مش أول مرة تعمل الحركة دى، وكل فترة بتطلع وتقول نفس الكلام”.

وصرح سعد، بأنه لم يقم بتصوير شمس أثناء نومها وهى مجردة من ملابسها، وعلق قائلاً:ـ “بالعقل أصورها إزاى.. ده أنا أتحبس أصلاً، وهو فى حد ممكن يصور مراتوا ويبعت صورها لشخص آخر.. يعنى النخوة حتى مش موجودة، وحقيقى كل الكلام اللى هى بتقوله كدب ومش حقيقى يعنى أونطة”.

وكشف سعد الصغير، عن كواليس مقابلته لها قبل رأس السنة، وقال:ـ “اتقابلنا وقالت ليا أنا عاوزة فلوس، وإنت عندك كتير أوى، وأنا ساعتها رديت عليها وقلت إنتى أكتر واحدة أخدتى منى فلوس، وكمان جبتلها عربية مجتش لأُم الأولاد”.

وجديراً بالذكر، بأن الراقصة شمس اتهمت المطرب سعد الصغير بخطفها والتعدى عليها بالضرب، الأمر الذى تسبب فى اجهاضها على حسب تصريحاتها، وأوضحت بأنه يواصل تهديدها حتى الآن.

وعلقت الراقصة وقالت:ـ “مش عارفة ليه سعد عمل معايا كده؟، وأنا كنت حامل فى الشهر السابع، ومكنش فى أى مشاكل بينا ومكنتش عاوزة أخلف منه، وقبل كده قالى متنزليش الطفل وفجأة غير رأية، وبعدها بفترة جاب معاه بلطجية وجالى البيت الساعة 12 الضهر، وقعد يكلم الدكاترة ويضرب فيا، والدكاترة ساعتها قالوا مش هينفع الجنين ينزل وهو فى سن 7 شهور، وسعد قال للدكتور إنت هتنزل الجنين يعنى هتنزله، وراح الدكتور سمع كلامه وعملى العملية وأجهضنى”.