الفن و السينمامقالات

ايرون مان عايش و مش عايش Avengers

الاعتقاد اللي بقاله اكتر من 4 سنين منتشر و اللي كان مفهوم بسبب عدم تقابلنا لرحيل توني ستارك لكن مع الاعتقاد برجوع الممثل روبرت داوني للدور محتمل بسبب خسائر و فشل مارفل الواضح و اللي هينقذ الشركة لكن السؤال ازاي هيرجع

مبدئيا توني ستارك احد اذكي العقول في عالمه و أكثر واحد خبير بأمور التكنولوجيا و العلوم و خصوصا بناء الذكاء الاصطناعي زي جارفيس و كارين و فرايدي و هكذا و المميز ان كل ذكاء اصطناعي كان ليه نمط خاص بيه كذلك ايرون مان كان بيعمل في فيلم Avengers age of Ultron علي نسخة ذكاء تقدر انها تقود جيشه من الروبوتات و شوفنا مدي تطور توني المستمر في بدلته زي ما ظهرت في Avengers infinity war بدلة اقوي بمراحل عن الباقي ده البدلة بس لكن هل معدلش او مطورش في أنظمة الذكاء؟

اكيد لا حاجة كمان في نهاية فيلم Avengers Endgame شوفنا رسالة وداع توني لبنته و اللي فيها اتحرك و قرب لها و ده مكنش عشوائيه او صدفة لكن ممكن تكون الرسالة مجرد جزء من ذكاء اصطناعي مبني علي توني نفسه بس مبينش وجوده

فكرة ان توني يبني نسخة من نفسه ذكاء اصطناعي حصلت في الكوميكس فعلا و بالنسبة العالم السينمائي بناء نسخة من نفسه كان هدفه من ساعة الترون لكنه فشل ساعتها و لما رجع كرر الأمر تاني نجح اصل واحد بني نسخ ذكاء اصطناعي و قدر يدمج ما بين نسختين و قدر يكتشف السفر عبر الخطوط الزمنية مش هيكون صعب أن يعمل ده كمان خصوصا لما يكون عنده فترة 5 سنين مش بيعمل فيها حاجة لا بطولة و لا شركات

حاجة كمان شخص زي ده كام مرة قرب من الموت و تجربة البقاء في الفضاء لمدة اسابيع خلت دوافعه تكون قوية و مع وجود بنته بقت اقوي انه لازم يضمن وجوده ايا كان الطريقه و يبقي بدل ما يبني نسخة هدفها بطولي يبقي الموضوع ابوي و بطولي كمان في نفس الوقت بس الوقت المناسب

حاجة كمان ارنيم زولا كان ذكاء اصطناعي مت نفسه واجهه كابتن أمريكا في كابتن أمريكا وينتر سوليجر و كان سابق موضوع توني باكتر من عشر سنين يعني الموضوع مفيش شك ينفي حدوثه و وجوده

رجوع روبرت هيكون بداية الظهور للنسخة دي من الذكاء الاصطناعي و اللي يقدر يبني جسد شبه بشري كمان لو حابب عشان يكون ليه وجود مادي

دي كانت النظرية لو عندكو أراء شاركوا بيها

مقالات ذات صلة

اترك رد

زر الذهاب إلى الأعلى